Pagadian City – Target karon sa Provincial Department Health Office sa Zamboanga del Sur nga bakunahan batok polio virus ang usa ka gatos ka libo nga mga bata sa tibook probinsya sa ilusad nga “Sabayang Patak Kontra Polio”.
Gi-anunsyo ni Dr. Agnes Fernando, sa PDHO, magsugod ang pagpangbakuna karong petsa 25 niining bulana ug motapos desyembre 8 ning tuiga.
Motuktok ngadto sa matag panimalay ang team sa departamento sa panglawas aron mabakunan ang mga bata nga nag-edad singko anyos paubos.
Base sa datos sa DOH-Zamboanga del Sur, dunay 96, 928 ka mga bata ang target nga ilang mabakunahan sa probinsya rason nga sub-sob ang ilang kampanya aron moabot sa kapin 13 ka bata ang mabakunahan matag adlaw.
Angay masayran sa kadaghanan nga ang polio virus makuha sa hugaw ug dili na kini matambalan kun motakboy na sa bata nga moresulta pagkabalda sa lawas ug posible usab nga ikamatay sa pasyente.
