General Santos City– Gihagit ni Police Brig. Gen. Michael John Dubria, Regional Director sa Police Regional Office 12 ang tanan niining Provincial ug City Director nga aksyunan ang problema sa mga sabong sabong ug ang mga nagasupak sa social distancing.
Atol sa gihimong press conference, giklaro niya nga wala pa siya’y nakit-ang accomplishment sa rehiyon bahin niini kung itandi sa ubang lugar.
Lakip sa mga gusto niyang himuon sa mga labaw sa kapulisan sa Rehiyon mao ang pagsuta sa mga bars, night club ug uban pang pampublikong lugar aron masayran kung nagatuman ba sa minimum health standard protocol hilabina nga naga-taas ang kaso sa Covid 19 sa Rehiyon-12 tungod sa padayong pagsulod sa mga Locally Stranded Individual kon LSI.(LVR)
Facebook Comments