General Santos City–Pormal nang napasakaan ug kasong pagsupak sa presidential decree 1602 kon illegal gambling ang 3 ka mga sabongero nga nailang sila Esmerado Gallego Jr., Ruben Yuson ug Peter John Solangon human na-aktohan nga nag sabong sa tari-tari sa Barangay Bula niadtong milabay nga adlaw.
Sumala pa ni Police Major Tirso Pascual nga hugot matud pa nga direktiba ngadto kanila ni Police General Archie Gamboa ang labaw sa nasudnong kapulisan pinaagi ni Police Brig. Gen. Alfred Corpus ang Regional Director sa Police Regional Office 12 nga undangon ang tanang matang sa sugal sa syudad.
Hinungdan nga hugot sila nga nagamonitor sa ilahang area of responsibility kung asa sa dihang nakadawat sila ug report gikan sa usa ka concern citizen nga adunay tari-tari sa maong lugar gilayon nila kining gi-respondihan nga miresulta sa pagkasikop sa tulo ug pagkakumpiska sa duha ka manok panabong ug kwarta nga 700 pesos.(Dave Silagan)
