Davao City – Istrikto nga palisiya ang gikinahanglan aron walay motor banca ang malunod samtang magbiyahe padulong sa Island Garden City of Samal (IGaCoS) gikan sa pantalan sa Davao City.
Matud ni First District Councilor Mabel Asunga-Acosta, kung mamatikdan sa Philippine Coast Guard (PCG) nga dagku na ang balod hatud sa ngil-ad nga panahon, wala na’y motor banca angay nga tugtan makabiyahe.
Segun ni Acosta, angay nga magkanselar dayon ang Philippine Coast Guard og biyahe sa mga motor banca ilabi na kung dagku na ang balud tungod sa monsoon waves nga sagad mahitabo sa bulan sa Agosto.
Walay apan ang mga lantsa dinhi sa dakbayan kay kumpleto kini og life vests, life jackets ug floating devices aron panahon sa emerhensiya, aduna dayon magamit ang mga pasahero.
Magsilbing leksyon unta ang trahedya sa Guimaras Iloilo diha sa pagpasuot daan og life jackets sa tanang mga pasahero una pa man mobiyahe aron panahon sa disgrasya, masalbar gilayon ang kinabuhi sa mga sumasakay.
Sa pikas bahin, gipaniguro usab ni City Tourism Officer Generose Tecson nga makanunayon ang ilang koordinasyon sa mga operators sa motor banca aron maseguro ang kaluwasan sa mga turista nga mutabok sa Samal.
RadyoMaN Joel Viray
