Davao City – Hugot karong gipatuman ang quarantine checkpoint sa Barangay Inayangan, Calinan District ning syudad sa Davao human nga nagpositibo ang lugar sa African Swine Fever (ASF).
Sa interbyu sa DXDC RMN Davao kang Noel Provido, Spokesperson sa Department of Agriculture (DA)-XI, gibutyag niini nga 27 ka mga baboy ang natalang namatay sa Brgy. Inayangan rason nga gikuhaan gilayon og blood sample ang mga baboy ug migula nga positibo kini sa ASF.
“Ang barangay Inayangan actually under surveillance na gyud ni siya unya naka red zone na gyud ni. Tapad ra pud ni sa Lamanan,” saysay ni Provido.
Gibutyag ni Provido nga posibleng naggikan ang ASF sa Brgy. Lamanan nga tapad kun boarder ra usab kini sa Inayangan.
Kahinumduman nga unang natala ang kaso sa ASF sa syudad sa Davao sa Brgy. Lamanan ug Brgy. Dominga sa Calinan District.
RadyoMaN Kirby Manzon
