Sakay sang trak nagkala-aksidente matapos gulpi nagliko ang ginasundan nga may karga nga balas

513

MURCIA – Apat katawo ang pilason matapos nga maaksidente ang trak nga ila ginasakyan sa Barangay Dumpsite.

Ang mga biktima nga nag-angkon sang mga kapilasan sa ila nga lawas amo sanday Ma.Fe Herrera, 76 anyos, Luminada Nietes, 68 anyos, Amalia Espanilla, 48 anyos kag Maribel Valenzuela 29 anyos nga lunsay pumoloyo sang Purok Yellow, Barangay Binubuhan, Bago City.


Suno sa mga biktima sakay sila sa trak padulong sa ila trabaho, samtang nagasunod sila sa trak nga kargado sang balas.

Pag-abot sa nasambit nga lugar gulpi lang nga nagliko ang canter nga wala nagsignal kabangdanan nga naglambot ang buli sini nga nagresulta sang ila pagka-aksidente.

Ang mga biktima padayon nga ginabulong sa Regional Hospital.

Facebook Comments

From Advertisers