BACOLOD CITY – Problema mekanikal ang rason kon ngaa nagbalik ang isa ka fast craft sang SuperCat nga St. Emmanuel sa Bredco Port kaina sang hapon.
Padulong kuntani sa Iloilo halin sa Bredco Port sakay ang pasahero sang ini ang maaberiya mga la una kaina sang hapon, Abril 10 sa tunga sang lawod.
Sa pahayag ni Philippine Coastguard Bacolod Head Lieutenant Col. Lodovico Librilla, naglab-ot sa halos duha ka oras ang pag rescue sang naaberiya nga sakayan dagat bangud sang mabaskog nga balod.
Gilayon naman nga ginrefund ang plete sang mga pasahero sang magdesisyon nga magbalik na lang sa Bredco Port ang amo nga fastcraft. / File photo
Facebook Comments
