Nagpalab-ot sang reklamo sa Police Station 1 si Kimpee Gonzales, 23 anyos sang Brgy. Sulong, Baguio City upod ang helper kag vegetable dealer nga si Cecil Feres matapos may nagkawat sang ila karga nga utan ala 1:00 kaina sang kaagahon, Nobyembre 7.
Suno sa mga ini, nagapahunay-hunay sanday Gonzales kag si Eddie Esmero sa truck nga may karga nga mga utanon sa bahin sang Terminal Market , Brgy. Flores, Iloilo City sang nakabatyag ang mga ini nga may naglumpat gikan sa truck.
Sang ila gin-verify, gintuad sang isa ka vendor nga ginkuha ni Dingdong Aquines, legal ang edad sang Brgy. Calumpang, Molo, Iloilo City ang isa ka sako nga repolyo gikan sa nasambit nga truck kag gin-deliver sa isa ka vegetable dealer sa sulod sang Terminal Market.
Santo sa report, nabawi ni Gonzales ang isa ka sako nga repolyo nga nagabug-at sang 24 kilos apang wala nadakpan ang suspetsado.
(photo from web)
