Temporaryong nakagawas sa iyang gi-atubang nga kaso ang giingong tawo ni Congressman Frederick Siao kinsa gi-aresto sa kapulisan sa presinto singko niadtung miaging adlaw gumikan sa pagsupak sa R.A. 11332 o ang pagsupak sa enhance community quarantine.
Kini human nanghatag ug ayuda ang gitudlong suspect nga si Zalmie Mejias.
Matud ni Station 5 Commander Police Major Alan Abalde nga kagahapon sa buntag gidala sa city prosecutors office ang suspect alang sa inquest procedure.
Human naduso ang kaso niini nga resistance ug disobedience to a person in authority dayon na review kini pinaagi ni Atty. Cherry Sumaoy maong kaso pormal nga napasaka ngadto kang Mejias.
Apan ang kasong R.A. 11332 na gidismissed gumikan sa kakulangon niini ug gibug-aton.
Tres mil pesos ang gi-bail-bond alang sa temporaryong kagawasan sa suspect.
