Guipos, Zamboanga del Sur – Patay ang usa ka gituhoang miembro sa Anwar Ansang Criminal Gang sa gipahigayong stop and frisk operation sa kapulisan sa National Highway sa Brgy. Balongating, Guipos, Zamboanga del Sur alas 4:20 kagahapon sa hapon.
Giila ang napatay nga si Hamsa Granada, gituohan Gun-for-Hire ug sakop sa Anwar Ansang Criminal Group.
Base sa imbestigasyon nag-ipon og pwersa ang tropa sa Police Intelligence Unit, Regional Intelligence Division, Regional Mobile Force Battalion, Provincial Mobile Force Company sa pagpanguna ni PMAJ OSCAR TAN BUENAOBRA, labaw sa Provincial Intelligance Unit ug gipara ang armado nga suspek sakay sa usa ka motorsiklo gikan sa lungsod sa Dinas wala kini mopatuo ug misutoy padulong sa direksyon sa Dumalinao rason nga gigukod kini sa mga otoridad.
Pag-abot sa Purok Roxas mipaulan og bala ang suspek batok sa kapulisan hinungdan nga mibalos pagpabuto ang otoridad nga miresulta sa pagkaigo sa lain-laing parte sa kalawasan sa suspek.
Miresponde gilayon ang Guipos MPS sa pagpangulo ni Police Executive Master Sergeant Ronald Lico kauban sa Municipal Rural Health Officer nga si Dra. Roxanne Cayasan diin gideklarang dead on the spot si Granada.
Narekuber sa crime scene ang usa ka caliber. 45 pistol nga kargado sa 6 ka bala ug ug usa ka fragmentation hand grenade.
Photo credit to the owner
