Davao City – Wala malipay si Davao City Police Office Director PSSUPT. Alexander Tagum nga dunay media nga nasikop uban ang lain pa niini nga mga kauban atol sa operasyon kontra illegal gambling sa mga personahe sa Talomo PNP.
Kini maoy nahimong reaksyon ni Tagum human nga nasayri nga usa ka local media ang nalambigit sa iligal nga sugal.
Miadtong milabayng semana, adlawng Biyernes naaresto sulod sa internet café si Cezar Tuazon nga taga-PTV 4, apil ang mga kaubanan niini nga sila Christopher Tedio, Robert Resnera ug Norris Jabonero.
Samtang segun ni Talomo PNP chief of police PCI Oliver Navales, nga hagbay ra sila makadawat og reklamo gikan sa mga residente kalabot sa mga gadula’g baraha uban ang mga bata sulod sa maong lugar apan dili nila kini maabtan sa higayon nga muresponde sila.
Gisaysay ni Navales nga katong adlawng Biyernes naaktuhan sa kapulisan nga nagdula og baraha ang mga suspek apan wala man lamang panumbalinga ang ilang presensya.
Sumala niini nga si Tuazon lango sa ilimnon atong tungura ug nagpaila nga usa kini ka media ug nagtrabaho sila sa gobyerno.
Dugang ni Navales misulay pa og ikyas ang kaubanan ni Tuazon.
Gikustodiya karon sa Talomo PNP ang mga dinakpan ug mag-atubang og kasong paglapas sa Presidential Decree number 1602 kon Illegal Gambling ngadto sa Office Of the City Prosecutors pinaagi sa inquest proceedings.
Kasamang Aimee Guinita
