Davao City – Naglaum karon ang militar nga maghatag og kalinaw sa isla sa Mindanao ang nahimong sa sakripisyo sa 44 ka Special Action Force kun SAF 44 nga nahimong biktima sa Mamasapano massacre sa Maguindanao, upat ka tuig na ang nakalabay karong adlawa.
Sa pakighinabi sa DXDC RMN Davao kang Lt. General Ezra Balagtey, spokesperson sa Eastern Mindanao Command (EastMinCom) nanghinaut kini nga maghatag og pagtulun-an ang maong panghitabo ug mupatigbabaw ang kalinaw inay nga kagubot labi na nga hingpit na usab nga nahuman ang plebisito sa Bangsamoro Organic Law (BOL) sa Western Mindanao.
“Ang lessons doon dapat wala nang gulo. Kung walang gulo, walang confusion, walang magiging casualty.” segun ni Balagtey.
Dugang pa ni Balagtey nga naglaum kining makab-ot na sa pamilya o kabanay sa SAF 44 ang ilang padayong gisinggit nga hustisya sa mas daling panahon o sa dili pa man mahuman ang termino ni Pangulong Rodrigo Duterte.
Kahinumduman nga nahitabo ang dugoon nga operasyon sa Mamasapano, Maguindanao niadtong Enero 25, 2015.
RadyoMaN Kirby Manzon
