Nagkagrabe na gyud ang problema sa baha sa Cebu City ug uban pang siyudad sa Sugbo. Bisag way klase ug trabaho ang uban karon tungod sa anniversary sa Martial Law apan daghan gihapon ang mga natanggong gumikan sa kusog nga bunok sa uwan kaganihang hapon. Ang mga dagko ug karaang karsada sa downtown area pwerteng bahaa.
Murag jetski ang mga naka-park nga motor kilid sa Emall sa may Sanciangko St. nga bahin tungod kay nalapawan kini sa baha. Apektado pud ang mga gagmay’ng tindahan kilid sa may Cebu City Coliseum.
Mao pud ni ang sitwasyon sa may Colon St. nga maoy pinaka-karaan nga dan sa tibuok Pilipinas. Ang mga shoppers sa may 138 Mall, Gaisano Main ug Super Metro Colon naglisod og tabok sa karsada tungod sa bahak nga lapas sa tuhod. Wa lang maapil sa photo apan daghan pang dan sa may downtown area ang nalubog sa baha. Di lang da Cebu City apan apil pud ang mga dagkong dan sa mga siyudad sa Talisay ug Mandaue.
Sa nagkagrabe nga baha ang mga pangutana nga nitumaw mao ni: Unsa may mabuhat sa city government ani? Unsa man say mabuhat natong ordinaryo nga mga lumolupyo? Kinsa may dapat basulon sa baha?
Di lalim bitaw kanang matanggong ta og baha labi na nga lisod kaayo ang pagsakay og jeep o taxi o ba kaha habal-habal. Daghan pud gane nga mga kabalayan ang nasudlan pud og baha karong adlawa. Di na gyud ni kapugngan ang baha. Peru akoang balikon, NAA PA BA TA’Y MABUHAT ANI? O NAA BA’Y MABUHAT ANG GOBYERNO ANI? KINSA MAY DAPAT BASULON?
