Giingon ang credit card ni alyas Niña, gigamit sa wala mailhing kawatan sa pagpalit og mga alahas sa usa ka jewelry store.
Subay sa blotter, nangangha na lamang ang complainant dihang gi-text kini sa usa ka bangko niadtong Marso 25,2023 ug nagpahibalo nga nagpahigayon kini og tulo ka transaksiyon nga mukantidad tanan og kapin 200,000 mil ka pesos bisan og hangtud 79,000 lang ang limistasyon sa credit card diin gihimo ang transaksiyon sa jewelry store sulod sa usa ka mall sa Digos City, Davao Del Sur.
Matud sa biktima nga bandang 8:00 sa buntag niadtong Marso 23,2023, nawala ang iyang credit card nga iyang gibilin sa sakyanan uban ang 25,000 ka pesos nga pambayad sa balay ug suspetsa niini nga gikawat sa wala mailhing ang iyang credit card ug salapi.
Hangtud ning pagbalita, wala pa’y gipagawas ang Presinto 5 og dugang kalamboan sa inbistigasyon labot sa naasoy nga panghitabo.
RadyoMaN Joel Viray
