Sa report gikan sa Padada Municipal Police Station, nasayran nga samtang gabaybay sa highway padulong Davao City ang maong sakyanan, aksidente niini nasaghiran ang usa ka concrete barrier island, hinungdan nga nawad-an kini og kontrol.
Tungod niini, napadulong ug nabangga na sab kini sa center island atubangan sa Carmelo Delos Cientos Trade School sa nasangpit nga lugar.
Daling gipangdala sa Davao del Sur Provincial Hospital ang mga sakay niini, sanglit nakahiagom kini og mga injury sa managlahing bahin sa lawas.
Gipangila kini nga sila Ritty Tañamor, 81-anyos; Gia Caboverde, 18-anyos; Giovanni Caboverde, 15-anyos; ug Rhian Caboverde, nga pulos residente sa Deca Homes, Tacunan, Davao City.
Sa karon, anaa na sa kustodiya sa kapulisan ang maong sakyanan alang sa tukmang disposisyon ug dugang pang imbestigasyon.
Nagpahinumdom sab ang mga otoridad sa tanang motorista nga kanunay mag-igmat sa kadalanan ug ipabilin ang tukmang kakusog sa pagpadagan aron malikayan ang susamang insidente.
RadyoMaN Leo Battulayan
