Sakyanan nga dunay paskil nga food pass nabuking nga kargado sa mga smuggled nga sigarilyo

42

Pagadian City – Nababagan sa mga otoridad ang pagsulod sa syudad sa 21 ka mga karton sa smuggled cigarettes sa quarantine checkpoint nga gimontar sa Brgy. Buenavista, Pagadian City alas 1:00 kagahapon sa hapon.
Nakumpiska sa mga pulis ang kontrabando dihang molabang unta sa Quarantine Control Point ang Mitsubishi canter nga gikargahan sa mga sigarilyo nga dunay plaka numero MAD 5592 ug nakarehistro sa pangalan ni Janette Baya Lumacang.
Dihang gigisa og pangutana ang nadakpang driver nga si Jiffrey Albani, 21 anyos, residente sa Brgy. Banale, ning syudad, wala matud pa siya masayud nga sigarilyo ang sulod sa mga kahon kay sa iyang pagtoo bulad ang mga sulod niini.
Gisugo lang matud pa siya sa pagkuha sa naasoy nga kargamento didto sa Imelda Zamboanga Sibugay aron dad-n dinhi sa syudad.
Ang operasyon gipangunahan sa sa Zamboanga del Sur Provincial Intelligence Unit, Regional Intelligence Division – 9, ZamboSur Provincial Mobile Force Company ug Pagadian Police Station dihang nakadawat ang kapulisan og impormasyon mahitungod sa maong illegal nga mga sigarilyo.
Nasa kustodiya na karon sa kapulisan ang 21 ka case sa sigarilyo, lakip na ang drayber aron ipailalom sa imbestigasyon.
(Photos credit to the owner)

Facebook Comments