Sakyanan nga gikargahan sa ginabas nga lubi, naharang

11

Pagadian City – Kalapasan sa Akta Republika 10593 kun “The Coconut Preservation Act of 1995” ang kasong gi-atubang sa duha ka lalaki human silang naharang sa COMPAC sa Barangay Bogo, nga nagdala sa daghanang ginabas nga lubi atol sa gilusad nga checkpoint operation alas 8:00 kagabii.
Giila ang nadakpan nga sila si Roger Garcia Pueblas, driver , dunay live-in ug residente sa Purok Malinawon, Nazareth, Buenavista, ug Bebenros Mainit Pasok, ang tag-iya sa coco lumber/timber, nga lumulupyo sa Purok Saging 2, Datagan, Pagadian City.
Nasayran sa RMN DXPR Pagadian nga naharang sa otoridad ang BONGO MAZDA, color metallic brown, nagtangag sa plaka numero – 120105 nga gimaneho ni Pueblas ug dihang gipangitaan og dokumento pakyas kini pagpakita sa papelis isip permit ngapamatuod nga mamahimong ibyahe ang mga ginabas nga lubi.
Ang maong sakyanan gikargahan sa 30 ka ihap sa ginabas nga lobi nga gibana-bana nga mobalor sa 12, 000.00.
Ang sakyanan nga naharang ug ang karga anaa na sa Philippine Coconut Authority (PCA) alang sa tukmang dokumentasyon

Facebook Comments