South Cotabato- swerting wala madayon ug sunog ang sakyanan ni Koronadal City Mayor Peter Miguel human kining miaso alas-5:10 sa hapon kagahapong adlawa samtang kini anaa sa may Koronadal City.
Subay sa report nga gipagula sa Bureau of Fire Protection Koronadal nasuta nga gikan sa City Hall ang sakyanan nga gimanihuan sa usa ka Rhynheart Barrientos, padulong unta kini sa eskwelahan sa mga anak ni Mayor Miguel aron sila sunduon apan kalit lang matud pang miaso ang makina sa maong sakyanan mao nga iya kining gipadaplin.
Niadtong higayona, nagsugod nag ulbo ang kalayo sa sakyanan maayo nalang nga dunay concern citizen nga nagbitbit ug fire extinguisher ug gisprayhan ang makina mao nga napalong ang kalayo.
Sa karon nagpadayon pa ang imbistigasyon sa BFP Koronadal kalabutan sa maong insidenti.
