Tukuran, Zamboanga del Sur – Nadala sa balay tambalanan ang usa ka sundalo kinsa nakaangkon ug grabeng samad sa ulo human nabanggaan ang iyang gimanehong single motor ngadto sa usa ka hilux alas 4 ang takna sa hapon kagahapong adlawa sa National highway sa Prk Mangahan, Brgy. Curvada, lungsod sa Tukuran, ning probinsya.
Ang biktima ang nailang si Jaimy Cabatingan, usa ka sundalo ug residente sa Brgy. Tabuan, Tukuran kinsa nagmaneho sa single motorcycle rouser 150 ug aksidenteng nabangggaan sa hilux pick up truck nga gimaneho ni Arlando Usop Intong 35 anyos, minyo, usa ka pulis nga na assigned sa Datu Piang, Maguindanao,
Sa inisyal nga kasayuran nga nakuha sa RMN DXPR, ang single motor ang padulong sa Junction Curvada samtang ang Hilux ang paingon sa Poblacion, Tukuran. Ang single motor ang matud pa misarasay sa pikas lane hinungdan nga nabanggaan kini.
Sa kakusog sa impact, nakaangkon ug grabeng samad sa ulo ang biktima ug daling gidala dinhi sa syudad sa Pagadian arun katambalan samtang ang driver ug ang mga sakay sa hilux ang anaa ra sa luwas nga kahimtang.
Ang duha ka vehikulo ang naka-impound na sa Tukuran MPS samtang ang driver sa hilux ang kasamtangang gikustodiya sa kapulisan samtang nagpaabot sa tukmang lakang nga ipahamtang ngadto kaniya.
