Sa video post sa usa ka Angel Matidios Boncales karong hapona, May 16, nakita ang usa ka itom nga 4-wheels nga naglutawlutaw sa dagat. Suma pa sa tag-iya sa maong video nga nahulog sa usa ka pantalan sa lungsod sa Cordova ang maong sakyanan.
Madungog sa video nga nag-iniyahay og siyagit ang mga tawo nga anaa sa pantalan. Ingun pa gane ang usa sa mga witness nga naa kunoy mga sakay ang maong sakyanan aside sa driver niini.
Makita pud sa video nga ang mga tripolante o crew sa mga pumpboat nga anaa duol sa nahitaboan kay nagpalumbaay og langoy padung sa nag-utaw utaw nga sakyanan para tabangan ang mga tawo pagawas sulod niini.
Wala masuta sa video kung unsay rason ngano natagak ang sakyanan ug wala pud masuta kung naa bay naangol tungod sa maong insidente. Panghinaot lang sa mga netizens nga nagcomment sa maong video nga wala lang untay nasamdan o nalumos tungod sa maong pag-dive sa sakayanan.
