Suno kay Po2 Joey Lopez, traffic investigator sang Police Station 1, natabo ang aksidente kaina sang kaagahon gina bulobanta alas 2:00 kaina sang aga.
Dugang pa ni Po2 Lopez padulong kon tani ang direction sang mga salakyan pa Lapaz kag ginsiling sini nga gin bunggoan sang Nissan Urvan ang likod sang Montero sports. Posible napiyongan ang driver sang Nissan Urvan kabangdanan sang pagka bunggo sini kag kawad-an sang control sa manebela tubtub mahulog sa taytay suno sa kay Po2 Lopez.
Wala naman sang malubha nga nasamaran sa aksidente kag mga minor injuries lamang ang naagom nga pilas sang mga biktima. Nahibaloan nga isa lang ang sakay sa Nissan Urvan kag magpamilya man lang ang sakay sa Montero sports.
Nangabay man ang pamilya sang mga biktima nga tagoon lang ang identity sang mga sakay sa salakyan.
#tatakrmn
(RadyoMan Flo Navarrete)
