Roxas City, Capiz – Duha ka persona ang pilason sa bunggoanay sang salakyan nga Ford Fiesta kag rescue ambulance nga ginapanag-iyahan sang LGU President Roxas sa Roxas City Bridge.
Pilason ang driver sang ambulansya nga si Leo Mark Alado, 31 – anyos ang pang-edaron kag residente sang Barangay Hanglid, President Roxas, Capiz kag kaupdanan sini nga ginkilala kay John Robert Alforte, residente sang Barangay Marita sa banwa man sang President Roxas, Capiz.
Nagaguha sa imbestigasyon sang Traffic Section sang Roxas City PNP nga magapadulong sa Roxas Memorial Provincial Hospital ang nasambitan nga ambulansiya sang aksidente nga nabunggoan sang Ford Fiesta nga ginamaneho ni Timmy Molino, 41 – anyos ang pang – edaron kag residente sang Fuentes Drive, Barangay IX, Roxas City.
Nadiskubrehan nga yara sa idalom sang impluwensiya sang makahulubog nga ilimnom ang nasambitan nga persona.
