i Balita August 18, 2018 (Photo From Web. No Copyright Infringement Intended)
Wasak ang nauna nga bahin sang itum nga Isuzu D-Max pick-up matapos nga nakabunggo sa duha ka poste sang street light sa kilid sang dalan sa Brgy. Lanit, Jaro kaina sang aga.
Suno sa kay Eric Tamayo driver 22 anyos sang Zarraga Iloilo carwash boy sang El Pirata carwash naghalin sila sa banwa sang Dumangas sa pag-inom inom upod ang duha ka babaye kag anum ka lalaki.
Papuli na kontani sila pabalik sa Dungon Jaro sang madisgrasya sa lugar matapos nga napiyongan.
Suno kay Tamayo nga gintugyan lang sa iya ang yabe sang tag-iya sang salakyan nga si Bryan Zulueta apang ginsugo ini sang kaupod nga si alyas Lipak nga magmaneho sang salakyan pakadtu sa dumangas para mag- inom inom.
Gin- ako man ni Tamayo nga nagbakal pa sila sang ilimnon kag chichiria para sumsuman sa isa ka convenience store nga gina-inom samtang nga nagabiyahe papuli.
Pilas sa tuhod, mga menor nga bagras sa lawas kag pagpalanakit sa lawas ang na- angkon sang driver samtang yara naman sa luwas nga sitwasyon ang iban pa nga sakay sini nga ginbulong sa isa ka hospital.
