Salakyan sang retired chaplain sang Phil Navy, na-aksidente sa Passi City

ILOILO – Nakabunggo ang salakyan ni William Villalobos, 61 anyos sang Punong Grande, Dueñas sa isa ka 10-wheeler truck sa Passi City, alas 7:14 Dominggo sang gab-i.

Si Villalobos retired chaplain sang Philippine Navy.

Suno kay Chief Inspector Elmer Magbanua sang Passi City PNP, posible wala matalupangdan sang biktima ang truck bangod naga-ulan.

Gindala naman sa ospital ang biktima kag ara na sa estable nga kahimtangan.