Davao City – Patay ang usa ka sales accountant sa Lapanday Foods Corporation human nakaangkon og samad dinungaban sa iyang kalawasan nahitabo alas 8:30 sa gabie sa may R-Castillo St. Agdao siyudad sa Davao.
Sa report gikan sa Sta Ana Pnp naila ang biktima nga usa ka Rodante Abrogar, 37 anyos, ulitawo ug residenti sa nahisgutang lugar.
Inisyal nga imbestigasyon sa kapolisan sa Sta Ana nga sumala sa witness nga si Jr Minquito nakasuot ang suspek og black T-shirt, Blue short pan, naka black ball cup ug adunay gitas-on nga 5’4 ngadto sa 5’5.
Sumala pa sa igsuon sa biktima nga nailang si Selpha Mae Abrogar kauban niya ang iyang bana niadtong tungora sa dihang niabot kini sa iyang party house ug nakit-an ang iyang igsuon nga naglunang na sa iyang kaugalingon dugo hinungdan nga dali nila kining gidala sa balay tambalanan apan gideklara na kining dead on arrival.
Sa karon mas gipalapdan pa ang gihimong imbestigasyon sa Sta Ana PNP sa pagpanguna ni Police Officer 1 Roldan Balbin aron masayran ang motibo sa pagpanunggab sa biktima.
RadyoMaN Don Pulayao
