NAVAL, BILIRAN – May nabiktima na liwat hin budol-budol pero diri dinhi ha Tacloban City nahinabo kundi didto ha Naval Biliran. Dida han pagkatapos han pasko Desyembre 27 ini nahinabo pero dida la han nakalabay nga huwebes nagreport an biktima.
Ginbaligyaan hin gold bar an usa nga sales agent nga hi Ramil Sabila, nag-uukoy ha Palanog syudad han Tacloban.
Sumala kan PCInsp. Estanislao Corpin, Chief of Police han Naval PNP, nakisakay ini nga mga suspek ha company vehicle nga ginsasakyan han biktima tipakanhi ha Tacloban pero durante han travel, gin-offeran an biktima hin gold bar nga nagkakantidad half a million pesos.
Sumala han salaysay han biktima, nahipnotize daw hiya ngan sumugot pero kay an iya dara nga kwarta in nagkakantidad 380, 000 pesos nga collection pa han kompanya nga iya gintatrabahuan ngan iya ini iginhatag.
Pag-abot ha lemon dapit ha Capoocan Leyte, humaw-as an duduha nga lalaki nga suspek dara-dara na ini nga salapi.
Mag-itom daw an duduha nga suspek nga may kahitas-on nga 5’5 ngan 5’9 ngan mga cebuano speaking an mga ini.
Nagdudumara na ha pagka yana hin follow up operation an mga kapulisan han Naval kun masipatan ini nira nga mga suspek.
Sagdon han PNP ha publiko, diri anay basta-basta nga magtapod ha mga diri kilala nga tawo.
