Roxas City, Capiz – Isa ka babaye ang ginhold-up mga alas 9:15 sang gab-i samtang yara sa Sitio Pagutok, Brgy Dayao, Roxas City.
Natigayon nga makuha sa 20- anyos nga biktima nga ginkilala kay Melva BerbaƱo y Araw-araw ang sweldo sini nga balor 5, 300 pesos nga cash, ATM card kag iban nga personal nga kagamitan nga nabutang sa bag.
Suno sa imbestigasyon sang kapulisan, nagalakat ang amo nga biktima pauli na sa ila poluy-an sang ini ang ginbalabagan sang tatlo ka mga persona kun sa diin ang isa sa mga ini ang nagtaya sa iya sang patalom kag nadeklarar sang hold-up.
bangud sa kahadlok, gipakamaayo na lamang sini nga ihatag ang bag kun sa diin nabutang ang kwarta nga sweldo sini.
Matapos ang insidente madasig nga nagpalagyo ang mga suspek sakay sa yellow nga traysikol padulong sa circumferential road padulong sa area sang Culasi.
