Nadakpan sa mga kapulisan ang usa ka salesman nga gikaingong wanted sa kasong rape kon pagpanlugos atol sa operasyong gipahigayon sa mga kapulisan pasado alas 10:15 sa buntag kagahapon didto sa Purok-1, Barangay Poblacion, Libona, Bukidnon.
Giila ang suspek nga si Phillip Bulaybulay, 20 anyos, minyo, salesman, ug residente sa Lot 6, Blk 12, Christian Ville, Dicklum, Manolo Fortich, Bukidnon.
Gipasakaan sa warrant of arrest ang suspek pinasikad sa criminal case no. S-6224 nga gi-issue ni Judge Joel Gonzaga Vercide, Acting Presiding Judge sa Regional Trial Court (RTC), 9th Judicial Region, Branch 11, Sindangan, Zamboanga Del Norte, pinitsahan Marso 22, 2021 nga walay girekomendang piyansa alang sa temporaryong kagawasan.
Gibalhog na sa Libona Municipal Police Station ang nadakpang suspek alang sa tokmang disposasyon.
Facebook Comments
