Davao City – Hangtud nga wala pay desisyon ang Department of Education (DepEd), magpabilin gihapong suspendido ang operasyon sa mga tulunghaan nga gipanag-iyahan ug gi-operate sa Salugpungan Ta’tanu Igkanugon Learning Center Inc. (STTILCI).
Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI, gikumpirma niini nga anaa pa karon sa proseso ang desisyon sa DepEd sa nahimong tubag sa Salugpungan sa alegasyong ilang gi-atubang.
“We are still in the process of trying to ascertain kung unsay posibleng among tubag sa gipahamtang nato nga suspension order ngadto sa ilang operation ug atong gitan-aw nga ‘dunay igo-igo pang panahon nga atong paga buno-on para aron tan-awon kini,” saysay ni Atillo.
Gipasabot ni Atillo nga buot sa departamento nga magbaton og sakto ug balanse nga desisyon labot sa maong seryosong hisgutanan.
“We really wanted to balance everything here. We do not want to issue an action or an order in a hazard manner. Everything must be properly balanced. Everything must be properly weigh, and that is what we are doing right now,” tataw ni Atillo.
Kahinumduman nga July 12, 2019 sa dihang gisuspende sa DepEd ang operasyon sa 55 ka eskwelahan sa Salugpungan sa tibuok rehiyon onse human sa report nga pagtulun-an batok sa gobyerno ang ginatudlo sa ilang mga estudyante.
RadyoMaN Kirby Manzon
