Salvagings dili otorisado, body cams gidasonan

Davao City – Gitin-aw karon ni Philippine National Police (PNP) Spokesperson Chief Supt. Dionaldo Carlos nga suportado nila ang imbestigasyon diha sa kamatayon ni Kian Loyd delos Santos kinsa napatay sa anti-drug operations sa Caloocan niadtong niligad nga semana.

Sa usaka media interview, gitataw ni Carlos nga gipaubos na karon sa restrictive custody ang tulo ka mga pulis-Caloocan kinsa nakit-an sa barangay CCTV units nga maoy nisikwat kang Kian ug naghunos sa kinabuhi niini.

Denhe nagkalahi ang bersyon sa nahitabo: Ang mga responding police operatives nagkanayon nga nisukol ang batan-on apan ang pamilya ni Kian ni-akusar nga biktima sa salvaging ang ilang anak subay usab sa deklarasyon sa mga testigo.


“This (PNP) is a professional organization…we only follow lawful orders…kung nagkamali man ang mga operatives, hindi ‘yan tino-tolerate ni Chief PNP,” pagpatin-aw sa tigpamaba agig klaripikasyon usab sa marching order ni Pres. Rodrigo Duterte nga nga tapuson na ang sinindikatong buhat sa mga drug peddlers.

Sa pikas bahin, gipaambit karon ni Sen. Sherwin Gatchalian nga buot niyang ipresentar sa hawanan sa Senado ang sugyot-balaudnon nga mandoan ang kapulisan sa pagsul-ob og body cameras panahon sa raids, buy-bust ug uban pang mga police operations.

Rationale sa maong regulasyon ang susamang istratehiya sa ubang kanasuran susama sa America diin dili lamang body cams apan lakip usab ang mga vehicle dashboard cameras kontra sa mga insidenteng police brutality, racial profiling ug discrimination.

Sa camara baja, gisugyot usab ni Cong. Ruffy Biazon ang body cam bill kun House Bill 2741 haron magpugos sa mga awtoridad nga magsul-ob sa depensa kontra akusasyon nga pagpang-abuso samtang anaa sa operasyon sanglit makonsidera nga ‘neutral witness’ ang naasoyng security gadget.

Kasamang June Duterte

Facebook Comments