Sumala ni Mayor Al David Uy sa Island Garden City of Samal (IGaCoS) sa interbyu sa city-owned radio, human maaprubahan ang loan, magsugod na usab ang negosasyon sa road right of way diin kini sugdan dinhi sa Davao City kung asa gitagana ang 10% sa General Appropriations Act (GAA) o ang national budget. Samtang maggikan sa 90% loan ang Samal site.
Malaumon si Uy nga maaprubahan na ang loan agreement una pa man mukanaog sa pwesto si Presidente Rodrigo Duterte sa Hunyo 30, 2022, ug laumang kining masugdan na sa ilawom sa administrasyon ni incoming President Ferdinand “Bongbong” Marcos Jr.
“Mahuman ang loan agreement then naa na ang budget, naa na ang financing kay naaprubahan na ang loan agreement, and start niini ang road right of way negotiations. Then magsunod napud og mobilize ang atoang mga contractor siguro for the bridge construction,” sulti ni Uy.
Kahinumduman, Enero 2021 sa dihang gipirmahan sa Department of Public Works and Highways (DPWH) ang P19.32-billion contract sa Chinese firm alang sa disenyo ug konstruksyon sa 3.98-kilometer nga tulay.
RadyoMaN Kirby Manzon
