Pagpusil-patay sa fish vendor sa Digos adunay person of interest

44
Davao City – Padayon karon ang gihimong inbestigasyon kabahin sa usa ka lalaking fish vendor nga nakaplagang patay sa Purok 5, Tablizo Street, Barangay Matti, Digos City, Davao del Sur alas 9:40 sa buntag niadtong Sabado (Mayo 21, 2022).

Sa interbyu sa DXDC RMN Davao kang Police Staff Sergeant (PSSg) Ian Paul Araiz, inbestigador sa Digos City Police Office , giila niini ang biktima nga si Benito Bazar Tagwalan Jr. o mas nailang si Al-al, 35 anyos, minyo, residente sa Purok Durian Brgy. Tacul, Magsaysay, Davao Del Sur.

Saysay ni Araiz, padulong mangopra ang biktima ug didto na nahitabo ang insidente diin adunay duha ka person of interest ang ginatutokan karon sa kapulisan.

“Mura’g pabalik siya’g Digos. Mangopra napud siguro unta (og isda). Dahado pa ang pamilya nga i-divulge gyud unsay kuan (posibleng hinungdan). Maayo man daw ‘tong tawo, wala daw’y kalaban,” saysay ni Araiz.

Ang biktima nakahiagom og samad pinusilan sa ulo ug sa ubos nga bahin sa likod sa iyang lawas.

Sa pagsuta sa Provincial Forensic Unit (DSPFU) Davao Sur, narekober sa crime scene ang usa ka basiyo nga gituohang gikan sa .45 nga pistola, usa ka motor ug cash kantidad P10,300 nga iya sa biktima.



Padayong pa usab karong nga ginasuta ang motibo sa krimen

RadyoMaN Kirby Manzon

Facebook Comments