Davao City – Giilogan karon sa duha ka partido kun si kinsa ang mupalubong sa tulo ka mga anak ni Joel Nonoy kinsa niunay ug masaker sa iyang mga anak tungod sa iyang kalagot sa iyang asawa.
Sa haya sa tulo ka mga biktima sa Brgy. San Isidro, IGACOS, Davao del Norte maisugong gibutyag sa apohan sa mga bata nga si Lola Susan nga silang kapartidos sa amahan maoy mupalubong sa mga batang biktima.
Adunay tensyon nga niulbo human nga kalit mipatim-aw sa haya ang inahan sa mga bata nga si Arlyn ug buot niining ibalhin ang haya sa mga biktima sa Panabo City nga hugtanong gisupak sa mga kabanay ni Joel Nonoy ang amahan.
Sumala sa iyaan ni Joel Nonoy nga si Lola Susan nga dili nila ihatag ang mga minatay kay maayo naman ang pagkaplastar sa haya ug andam na usab ang lubnganan sa mga bata sa IGACOS.
Gidugang sa apohan nga iyang gisukmatan ang inahan nganong karon lang mupakita nga patay na ang iyang mga anak ug asa kini sa buhi pa ang mga bata.
Kagahapon ang amahan nga mimasaker sa iyang mga anak tungod sa grabeng pagpanelos sa iyang asawa gipasakaan na og kasong multiple parricide ug frustrated parricide sa IGACOS PNP didto sa piskaliya.
RadyoMaN Erin Lumosbog
