Davao City – Gihatod na sa ulahing kapahulayan ang tulo ka mga manag-igsuong biktima sa Samal massacre sa Consolacion Public Cemetery dinhi sa Purok 2, Brgy. Consolacion, Panabo City.
Sumala ni Arlene Nonoy inahan sa mga bata nga bisan nalubong na ang ilang mga anak dili gihapon malubong sa kalimot ang gihimo sa iyang bana.
Bisan ang pamilyang Deloso kinsa mga kabanay sa inahan sa mga bata dinhi sa Panabo dili usab makapasaylo ngadto sa suspek.
Alang ni Arlene napriso man ang iyang bana dili na gihapon mabalik pa ang kinabuhi sa ilang mga anak.
Adunay pagmahay ang inahan nga wala gyod siya nangusog nga kuhaon ang iyang mga anak didto sa Babak, IGACOS.
Gihimakak usab niini ang pasangil kaniya sa suspek nga niuban siya og laing lalaki.
Matud ni Arlene nga gikinahanglan karon nga maabunuhan og dugo ang ilang kinamanghuran kinsa nagpabilin pa gihapon karon sa Southern Philippines Medical Center.
Silbing pagtulun-an usab sa nahitabo mensahe ni Arlene sa tanang mga ginakanan nga kung magkabulag man ang magtiayon siguraduhon gayod ang safety sa mga anak.
RadyoMaN Aimee Guinita
