Davao City – Naa nay persons of interest nga ginatutokan karon sa kapulisan nga posibleng responsable sa paglugos ug pagdagmal sa 16-anyos nga dalagita sa Island Garden City of Samal (IGACOS) niadtong Disyembre 19, 2019.
Sa interbyu sa DXDC RMN Davao sa Babak PNP gibutyag niini nga posibleng dili lang usa ang mihimo sa insidente diin aduna na usab silay nakuhang impormasyon sa biktima samtang anaa kini ospital, sa Southern Philippines Medical Center (SPMC).
“Naa man mi mga persons of interest pero gina-follow up gihapon namo kay kadtong babae, kadtong victim makatubag-tubag naman,” saysay niini.
Una nang gisaysay ni Police Maj. John Rendaje, station commander sa Babak Sub-Station nga adunay mga witnesses nga miingong barkada lang biktima ang suspek.
Kasong rape with frustrated homicide ang atubangon sa mga responsible sa insidente nga padayong ginpangita sa otoridad.
RadyoMaN Kirby Manzon
