Davao City – Gi-rescue kagahapong adlawa sa tropa sa 28th Infantry Battalion (IB) Philippine Army ang usa ka sakop sa New People’s Army kun NPA kinsa matud pa giabandona sa iyang mga kauban human sa nahitabong engkwentro tali militar ug kasundaluhan sa Brgy. Maragatas, Lupon, Davao Oriental niadtong miaging adlaw.
Sa report gikan sa 10th Infantry Division Philippine Army, giila ang samarang NPA nga si Jason Languban nga taga Sta. Cruz, Davao Del Sur diin matud pa nakit-an sa mga mitabang nga residente sa lugar ug tropa sa kasundaluhan sa may banana plantation nga nagbuy-od na hinuon daling gidala sa balay-tambalanan dinhi sa syudad ang nasangpit alang sa pagpatambal ug anaa na sa luwas nga kahimtang.
Matud pa nga napagan ang maong NPA human nagkaengkwentro ang iyang mga kauban ug ang tropa sa 28th IB sa Barangay Maragatas, Lupon, Davao Oriental nga gikamatay sa usa ka sundalo ug upat wounded-in-action samtang usa usab ang patay sa bahin sa NPA.
RadyoMaN Renz Barbarona
