Davao City – Walay luna ang konseptong same sex union sa kultura sa mga Pilipino gani, kamatooran niini mao ang pagbasura sa Korte Suprema sa petisyon batok sa pagrebisa sa pipila ka mga probisyon sa Family Code of the Philippines.
Gahi pa sa bato ang baruganan sa mga Pilipino sa dili pagdawat sa kaminyoon kun pag-ipon sa kapareho nga gender nga padayon gipangayo sa Lesbian, Gay, Bisexual and Transgender kun LGBTQ+ community.
Matud ni Prof Randy Ponteras nga dili pa panahon aron ipamugos ang same sex union sa kultura sa katawhang Pilipino tungod sa pagtoo nga ngil-ad kini atubangan sa Diyos.
Gibutyag sa professor nga kagawad na karon sa Barangay 76-A nga law-ay pod lantawon sa mga bata nga mag-uban og puyo isip magti-ayon ang lalake sa lalake ug babaye sa babaye.
SEgun ni Ponteras, ang mas maayo buhaton sa mga sakop sa LGBTQ+ community mao nga dawaton ang hukom sa katawhan nga supak sa same sex union denhe sa nasud.
Dugang sa professor nga igo nang gi-akseptar sa katawhan ang ilang kagawasan sa pagpadayag sa baliko nilang gender bisan og daghan gihapon ang misupak sa ilang binuhatan.
Awhag niini sa mga sakop sa LGBTq+ community nga tamdon usab ang hukom sa Korte Suprema nga bisan kanus-a dili gayod puwede ma-legal ang same sex union kun marriage dinhi sa Pilipinas.
RadyoMaN Joel Viray
