Davao City – Gibutyag sa nahimong top 7 sa March 2018 Licensure Examination for Teachers kun LET Elementary education level ang iyang sekreto og nganong nalakip kini sa listahan sa top notchers sa maong exam.
Sa interview sa DXDC RMN Davao, grabeng pagtuon sabayan og claim nga mahimong top 7 sa LET ang gihimo ni Shereyl Samocino, migradwar sa Holy Cross of Davao College, 21 anyos ug residente sa Lanang ning syudad kinsa nakakuha og 87.20 %.
“Naga-ingon gyud ko sa akong self nga mag top gyud ko, I always pray to God nga Lord, I really want to top the board examination nga if mag top ko, gusto nako nga sa top 7 gyud ko kay God’s number”, sigun ni Samocino.
Dugang niini, mihatag siya og mensahe alang ngadto sa mga mu-take pa sa maong exam.
“They have to claim it, kailangan confident sila nga they can do it. Prayer is not enough, they really have to work for it,” dugang sa top notcher.
Sa Davao Region, adunay 24 ka mga top notchers ang natala diin 15 niini gikan sa University of Southeastern Philippines (USeP Tagum ug Davao), pito gikan sa University of Mindanao (Davao, Tagum ug Peñaplata), usa gikan sa Cor Jesu College ug usa sa Holy Cross of Davao College.
RadyoMaN Renz Barbarona
