PALO LEYTE – Ginklaro han Police Regional Office 8 an gin-aaligar 25 packs of cocaine nga narekober ha Brgy. Cagusuan, Homonhon Island, Guiuan Eastern Samar.
May mga espekulasyon man gud nga nagawas nga gintatago daw han PNP ini nga gin-aaligar kontrabando.
Pero ha Eksklusibo nga interview han RMN kan PSSupt. Leonardo Suan, Deputy Regional Director for operations, diri cocaine an nakit-an ha Homonhon Island.
“Mayron tayong narekober pero hindi sya cocaine, powder light po siya, iba po sa sinasabi na cocaine bricks, ito po ay powdered na nakalagay sa plastic. Pinadala po natin yung sample sa Cebu for confirmatory for other chemicals kasi hindi capable ang equipment natin dito… wala pa tayong final [result] kasi nag-negative sya sa cocaine.”
Dugang han opisyal nga para diri mabaraka an publiko, ira anay igkaklaro kun ano ba ini nga klase nga pulbos.
Usa gihap nga ginkikita yana han mga otoridad kun diin ini tikang kay makikita ha ginsudlan hini nga tikang ini ha langyaw nga nasod.
Posible liwat nga tikang ini ha barko nga nag-emergency docking ha Pambujan, Northern Samar kun diin may mga sakay nga chinese ngan iba nga foreign national.
Mababaruan an resulta han laboratory test yana nga adlaw lunes o di ngani buwas nga adlaw martes.
