SAMPUNG BATA NA NAKATAMBAY SA LABAS NG BAHAY, NASAGASAAN; ISA NASAWI

Kalunos-lunos ang sinapit ng mga batang magkakaibigan sa Barangay Bonuan Gueset, Dagupan City matapos aksidenteng masagasaan ng isang sasakyan.

Sa salaysay ng isa sa mga batang biktima sa IFM News Dagupan, nakatambay lamang umano silang magkakaibigan sa gilid ng kalsada matapos maglaro nang makita ang mabilis na sasakyan papunta sa kanilang kinaroroonan.

Ang isa sa mga bata nasawi matapos tumilapon habang ang dalawa pa ay kritikal at sumasailalim sa operasyon matapos matusok ng bakal.

Ayon sa lolo ng nasawing bata, mabilis na naisugod sa ospital ang mga bata ngunit sa kasamaang palad, binawian ng buhay ang kanyang apo.

Naaresto ang driver ng sasakyan na di umano’y hinihinalang nasa ilalim ng impluwensya ng alak.

Sa ngayon, naghain na ng kaso ang mga magulang ng nasawing biktima laban sa nakasagasang driver. |𝙞𝙛𝙢𝙣𝙚𝙬𝙨

Facebook Comments