Isa ang San Joaquin Mother and Child Hospital sa maapektuhan kon indi maaprubahan sang Sangguniang Panlalawigan ang 3.7 billion pesos nga budget para sa tuig 2019.
Suno kay Governor Arthur Defensor, nalakip sa proposed 2019 annual budget ang 48 million pesos nga ginpain sang Iloilo Provincial Government agud pondohan ang nasambit nga hospital.
Gani suno kay Defensor, makaluluoy ang mga pumuluyo sa banwa sang San Joaquin kon indi maaprubahan ang budget kag indi masaylo ang hospital sa provincial government.
Madumduman nga ginhingyo ni San Joaquin Mayor Ninfa Garin nga ipa-idalom na lang sa provincial government ang nasambit nga pasilidad bangud indi na masuportahan sang San Joaquin LGU ang maintenance and other operating expenses (MOOE) sang hospital.
(Photo credit: Panay News)
