SYUDAD sang Iloilo – Nagapanguna ang Brgy. San Juan sa Molo sa mga barangay sa syudad nga mataas ang kaso sang dengue nga nagdangat sa 23.
Sakop sang data ang January to June period.
Matandaan nga kalakip man ini sa top 10 barangays sa kaso sang dengue sadtong 2017.
Samtang ang iban pa nga mga barangays nga mataas ang numero sang dengue amo ang So-oc, Arevalo 20 cases; Calumpang, Molo 14 cases; Q. Abeto, Mandurriao 12 cases; Balabago kag kaiping nga Tacas kag Tabuc Suba, Jaro may pareho nga tag 11 ka kaso; Navais, Mandurriao 10 cases; kag Tagbac, Jaro kag Zamora-Melliza, City Proper may syam ka kaso.
May 388.2% man nga pagtaas ukon 597 ka kaso nga may lima ka patay sa una nga bahin sang karon nga tuig sa bug-os nga syudad.
Liwat nga ginpahanumdom ni mayor Jerry Treñas nga magpatuman sang malapnagon nga pagpaninlo ang mga residente agud makakas ang breeding place sang lamok nga nagakabuhi sa matin-aw kag stagnant nga tuig..//via Joel Franco reports
Photo from web
