TACLOBAN CITY – Ginlalauman nga madayon na yana nga tuig an mas pagpalamrag han San Juanico bridge matapos aprobahan an pondo para hini han gobyerno.
Sumala kan Samar Gov. Sharee Ann Tan-De los Santos, gin-aprubahan na han Tourism Infrastructure and Enterprise Zone Zuhority (TIEZA) an 80 milyon pesos nga pondo para han proyekto para han tulay nga nagdudugtong ha Samar ngan Leyte.
Dugang han Gobernador, magbubutang liwat hin view deck o boardwalk ha dapit han Samar kun diin ma-eenjoy han mga turista an light show.
An pagpalamrag ha tulay in ginlalauman nga makakabulig ha mas damo pa nga turista nga mabisita ha Samar ngan ha Leyte.
Ini an syahan ha bug-os nga Pilipinas nga magkakamayada light show an pinaka-halaba nga tulay, an San Juanico bridge.
Siring han Gobernador, Nobyembre 8 an target nira para mapalamrag an tulay dungan han anibersaryo han paglasurbo han Bagyong Yolanda.
