Davao City – Generally peaceful ang areas of responsibility sa Sta. Ana ug San Pedro PNP diin walay mga dagkong panghitabo atol sa sugat sa kapaskohan Disyembre 24 sa gabie.
Sa gihimong pakighinabi sa DXDC RMN Davao ngadto kang Police Chief Inspector Michael Uyanguren, Station Commander Sta. Ana PNP, walay nagpabuto subay sa ilang gilusad nga monitoring.
Matud ni Uyanguren nga hapsay ug malinawon ang mga lugar nga ginabantayan sa kapulisan lakip na ang mga dagkong simbahang katoliko ug walay natalang panghitabo atol sa ‘Simbang Gabi’ kun ‘Misa de Gallo’.
Samtang San Pedro PNP, mapasalamaton si Police Chief Inspector Benkalin Baluan, Station Commander sa San Pedro PNP, ngadto sa iyang mga sakop nga pinaagi sa ilang hugot nga pagbantay hangtod sa sugat sa Pasko nakasinati sila og zero incident sa riot ug walay dagkong panghitabo ilabi na sa upat ka dagkong simbahang katololiko.
Giingon ni Baluan nga unang higayon sa iyang paglingkod isip hepe sa maong buhatan nahimong malinawon ang kapaskohan.
RadyoMaN Don Pulayao
