Davao City – Patay ang usa ka Carlo Crystalle Salle alyas Dondon Opaw, 34-anyos, nagpuyo sa SIR Phase 1 New Matina ning syudad human kini mibunlot sa iyang dalang armas sa dihang arestuhon na kini.
Subay sa report nga bandang alas-5:00 sa hapon niadtong Sabado, nakadawat og report ang kapulisan sa Talomo gikan sa usa ka alpha informant nga dunay usa ka lalaki nga nagdala og armas sa may dalang San Pedro partikularmente duol sa bilyaran.
Subay sa maong impormasyon, ang maong lalaki matud pa ang suspek sa pagpamusil sa may dalang Sandawa niadtong milabay’ng adlaw.
Nakabantay ang suspek nga adunay police nga nag alirong kaniya gani wala na kini nagduha duha nga mobunlot sa iyang .45 nga armas ug gipabuthan niini ang mga nagrespondeng kapulisan hinungdan nga mibalos sab sa pagpabuto ang mga otoridad hinungdan sa pagka-neutralisa niini.
Narekober ang .45 nga pistola nga dunay magazine ug lima ka mga bala ingon man ang Honda 150 RS single motorcyle nga gipanag-iyahan sa maong suspek.
Gisulayan pa og pagdala sa Southern Philippines Medical Center (SPMC) ang maong samaran apan gideklara kini nga dead on arrival.
Nakuha sab gikan sa suspek ang usa ka pakete sa gituohang shabu, lighter ug P160 nga cash.
RadyoMaN Paul Canono
