Davao City – Bisan og dunay lama sa kamatooran ang binuang sa Small Town Lottery (STL) sa Philippine Charity Sweepstakes Office (PCSO) gikinahanglan gihapon ang konkreto nga ebidensiya aron pabarugon ang alegasyon batok sa mga opisyal ug mga ‘gambling lords’ nga anaa sa likod sa kurapsyon sa mao nga buhatan.
Kini ang gisulti ni former Davao City Chamber of Commerce and Industry, Inc. (DCCCII) President Tony Dela Cruz nga gikinahanglan maglatag og mga ebidensiya si PCSO Board of Director ug whistleblower Sandara Cam aron paluyohan ang gi-expose niini nga binuang sa STL.
Gihagit ni Dela Cruz si Sandra Cam nga nganlan kung si kinsa kining mga opisyal nga nalambigit sa binuang sa STL ug si kinsa usab kining mga ‘gambling lords’ nga naglipay sa dakong bahin sa koleksyon gikan sa legalized gambling.
Bisan og dunay dakong purohan nga gituyo ang pagtudlo kang Sandra Cam aron pitulon ang kurapsyon sa PCSO apan gikinahanglan gihapon kini og pamatud-an sa nahisgutan ayha i-presentar kang Pangulong Rodrigo Duterte.
Giila sa kanhi pangulo sa pundok sa mga negosyante sa siyudad ang credibility sa pagka-whistleblower kaniadto ni Sandra Cam hilabi na nga aduna kini agi sa iyang gipangbulgar sa nangligad, apan wala nagpasabot nga tinuod na usab ang iyang expose karon gawas kun may igong basehan ang gibulgar nga binuang sa STL.
Wala nagtino si Dela Cruz kun pabor ba kini sa balasa o pag-abolish apan ang gusto niini mao nga sutaon una kung namugna ba ang Philippine Charity Sweepstakes Office pinaagi sa balaod o dili ba sa gahom sa executive order una ipatuman ang revamp o pagbungkag sa nasangpit nga buhatan.
RadyoMaN Joel Viray
