Sangguniang Panlalawigan aprobado na ang paghatag sang insentibo sa mga barangay opisyal nga nagserbi sang three consecutive years.

Aprobado na sang mga katapo sang Sangguniang Panlalawigan sang South Cotabato ang Ordinance no. 11, series of 2018 sang City of Koronadal nga nagahatag sang service benefits ukon insentibo sa tanan nga mga barangay opisyal sa syudad nga nagrender sang three consecutive terms ukon magkasunod nga siyam ka tuig sa pagpanerbisyo.
Ini ang nangin kumpirmasyon ni South Cotabato Association of Barangay Captain President Rolando Malabuyoc.
Sa nasambit nga ordinansa makabaton sang P200k ang barangay kapitan kag P100k naman sa barangay kagawad lakip na ang IPMR plus plaque nga posible maimplementar sa tuig 2020.
Suno kay Malabuyoc daku nga bulig sa mga barangay opisyal ang nasambit nga insentibo amo nga ginapasalamatan niya ang Sanguniang Panlungsod sang Koronadal sa nasambit nga inisyatibo.
May-angot sini, iya ginahangkat ang iban nga banwa nga kon may-yara man lang sang pondo maghimo man sang kapareho nga ordinansa.
Samtang sa pamangkot kon magaduso siya sang kapareho nga ordinansa suno kay Board Member Malabuyoc pagatun-an niya pa kon kaya ini sang provincial government.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>