Igapatuman sa bug-os nga probinsya sang Iloilo ang curfew humalin alas 9 sa gab-i tubtub alas 4 sang kaagahon.
Ini ang naaprobahan nga curfew hours sa special session sang Sangguniang Panlalawigan agud mapunggan ang paglapta sang coronavirus disease ukon COVID -19.
Ginpahayag ni Board Member Rolly Distura nga ginlain nila ang curfew hours sa probinsya sang iloilo agud mahatagan sang kahigayunan ang iban nga gab-i na nagapauli kag aga pa nga nagabugtaw.
Halin alas 9 sa gab-i, dilian na ang mga tawo sa dalanon kag dapat yara na sa ila tagsa ka mga puluy-an.
Mangin epektibo ang nasambit nga ordinansa sa tion nga ma-publish sa regional newspaper matapos pirmahan ni Governor Arthur Defensor Jr.
Ang madakpan nga magalapas sa sini nga ordinansa ang may nagakaigo nga penalty kon sa diin ang first offense may multa nga 1,000 pesos, ang second offense may multa nga 2,000 pesos kag third offense may multa nga 5,000 pesos.
