Sangguniang Panlalawigan ginareview ang ordinansa sang Koronadal nga nagahatag sang insentibo sa mga barangay opisyal nga nagserbisyo sang syam ka tuig.

Ginareview sa subong sang mga katapo sang Sangguniang Panlalawigan sang South Cotabato ang Ordinance no. 11, series of 2018 sang City of Koronadal nga nagahatag sang service benefits ukon insentibo sa tanan nga mga barangay opisyal sa syudad nga nagrender sang three consecutive terms.
Sa nasambit nga ordinansa makabaton sang P200k ang barangay kapitan kag P100k naman sa barangay kagawad lakip na ang IPMR.
Samtang ginkumpirmar ni Koronadal City ABC President Gregorio Presga nga sa tuig 2020 pa posible maimplementar ang nasambit nga ordinansa.
Katuyuan suno pa sini nga mabuligan ang mga barangay opisyal sa ila nga pagpangabuhi sa tion nga matapos na ang termino kag bilang insentibo sa ginhatag nila nga serbisyo sa sulod sang syam ka tuig.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>