Roxas City, Capiz- Gindeklarar sang Sangguniang Panlalawigan bilang Provincial Environment Consciousness Month ang bulan sang Nobyembre sa bilog nga probinsya sang Capiz.
Ini ang pinaagi sa gin-aprobahan nga Ordinance No. 001, Series of 2019 kun sa diin ang nasambitan nga ordinansa ang gin- authored sang chairman sang Committee on Environment and Natural Resources Hon BM Mateo C. Hachuela.
Samtang sa amo nga bilog nga bulan nga selebrasyon, nagkatuhay nga mga programa kag aktibidades ang nakalinyada partikular ang Environmental Governance Summit, Saving Philippine Native Trees Symposium, KapaligiRUN, Tree Growing, PinTahum, Community-based Clean-Up kag iban pa. Subong man may yara man sang igapatigayon nga Eco-Youth Festival kapartner ang Youth Proyekto Philippines.
Nahibaloan nga base sa *Environmental Management Bureau* sang *DENR*–Region VI, ang Capiz amu nga pinakauna nga probinsya halin sa Western Visayas nga nakadihon sang Environment Consciousness Month nga target nga mapalab-ot sa publiko ang mga awareness programs sang gobyerno para sa pagpoteher kag pagpreserbar sang palibot kag dunang manggad.
photo(c)- PIA Capiz
